8/9/54

ມື້ນີ້ສ້າງປະຫວັດສາດ


ມື້ນີ້ ສິບສີ່ຄໍ່າທ້ອງຟ້າແຈ້ງ----------ແດດອ່ອນໆແສງບໍ່ແຮງ
ເມກບໍ່ມີພານພັດ--------------------ແດດບໍແຮງແຕ່ແສງຈ້າ
ງຶດນະພາວັນນີ້----------------------ຕາເວັນແຮງພັດແສງອ່ອນ
ເໝືອນກັບເທບທ່ອນໄທ້-------------ມາໂຮມພ້ອມອ່ວຍພອນ ຈັ່ງຊັ້ນແລ

ເພາະວ່າບ່າຍມື້ນີ້-------------------ເວລາໜຶ່ງໂມງກົງ
ຊາວນະຄອນທັງຫຼາຍ---------------ມາຮ່ວມໂຮມທຳບຸນສ້າງ
ແຮ່ຜາສາດເຜິ້ງພ້ອມ----------------ວຽນທຽນບູຊາພຣະທາດ
ລາວທັງຊາດຮ່ວມພ້ອມ--------------ລວມກັນເຂົ້າແຫ່ທຽນ

ປີນີ້ຕ່າງເກົ່າແທ້---------------------ສະໄໝກ່ອນຄາວຫຼັງ
ປ່ຽນທິດທາງແຮ່ທຽນ----------------ຜາສາດບູຊາຖວາຍນ້ອມ
ຫຼາຍຄາວລາວພື້ນ------------------ວຽງຈັນສັດຕະນາກ
ໃນຍຸກໃໝ່ພັນເກົ້າຮ້ອຍ-------------ແຫ່ທາງກໍ້າທິດປັດສິມ

ປີນີ້ ພັກລັດຍ້າຍ--------------------ຂະຫຍາຍເດິ່ນພຣະທາດຫຼວງ
ສ້າງຖະໜົນທາງຫຼັກ----------------ທິດບົວລະພາເໝືອນຄາວກີ້
ຕັ້ງແຕ່ປີໜຶ່ງພັນຫ້າຮ້ອຍຫົກສິບພຸ້ນ--ຊາວລາວເຄີຍແຫນແຫ່
ຜາສາດທຽນແວດລ້ອມ--------------ທາງກໍ້າບົວລະພາ

ປີນີ້ທຸກຖ້ວນໜ້າ--------------------ປະຊາຊາດລາວເຮົາ
ທັງພຣະສົງທົ່ວສາທາ---------------ກໍພ້ອມກັນມາໂຮມພ້ອມ
ຊາວລາວພຣະສົງພ້ອມ--------------ທົ່ວໂລກາກໍມາຮ່ວມ
ຢູໂຣບທາງຝ່າຍກໍ້າ-----------------ອາຊີພ້ອມກໍຕ່າວມາ

ມາຮ່ວມສະຫຼອງສີ່ຮ້ອຍຫ້າສິບປີຕັ້ງ-ວຽງຈັນສັດຕະນາກ
ລາວທຸກພາກພຽບພ້ອມ-------------ສະອອນໂອ້ມ່ວນມະໂນ
ສຸດທີ່ໂອອ່າວໂອ້--------------------ຫວນເຫດການຫຼັງ
ຄາວເມື່ອວຽງຈັນເຮືອງ--------------ຜ່ານມານະພາແຈ້ງ

ປີນີ້ສອງພັນສິບຄໍສໍຕັ້ງ---------------ເປັນເກນການກຳເນີດ
ລາວເຮົາເປີດປະຫວັດເລື້ອງ---------ໃຫ້ລາວຮູ້ຊື່ລາວ
ຊາວຕ່າງປະເທດກໍຮັບຮູ້-------------ວ່າລາວເດັ່ນໃນສາກົນ
ຜົນງານເຫັນປາຈັກຈິງ---------------ທັງທີ່ເຫັນໃນວັນນີ້

ຈົ່ງສຸຂີຈະເລີນກ້າວ------------------ຊາວລາວເອກະລາດ
ປະເທດຊາເປີດກວ້າງ----------------ປວງຊົນໂລກພັ່ງພ້ອມ
ລາວທຸກຫົນກໍຍົກນ້ອມ---------------ພ້ອມກັນນົບນ້ອມໄຫວ້
ສີວິໄລຊາດກ້າວ---------------------ຈະເລີນຂຶ້ນລື່ນຫຼັງ ທ່ານເອີຍ

ไม่มีความคิดเห็น:

แสดงความคิดเห็น