19/11/55

ຈຳປາມາລາລາວ


ທີ່ໃດຈະອົບອຸນເທົ່າບ້ານເກີດ


ດີຊົ່ວຄາວ


ດີ


9/10/55

ແດ່ຄົນທີ່ສິ້ນຫວັງແຕ່ຍັງມີຫົວໃຈ..


8/10/55

ຄວາມຮັກ-ຄວາມຊັງ


6/10/55

ມາຕາປິຕຸພູມ


4/10/55

ຫຼົງ

ຫຼົງຄຳຫວານນາຣີທີ່ຫວ່ານລ້ອມ
ຫຼົງສີຍ້ອມແປ້ງຕົບແຕ່ງແປງກາຍາ
ຫຼົງສະເໜອວນອົງແປງວາດທ່າ
ຫຼົງເງິນຕາຊັບສັບສິນສິ້ນສັກສີ

ຫຼົງຍົດສັກຄຳຍົກຍ້ອງຕ້ອງໝອງໝົ່ນ
ຫຼົງຕົວຕົນອັນແທ້ຈິງໝົດຄວາມດີ
ຫຼົງວັດທະນະທັມສາສະໜາສິ້ນຣາສີ
ຫຼົງຄວາມດີບູບພະກາຣີສິ້ນຊີວັງ

3/10/55

ໂດດດ່ຽວບໍ່ປ່ຽວໃຈ


ຢູ່ທີ່ໃດກໍໄດ້ຫາກໃຈໝັ້ນຄົງ


2/10/55

ແດ່ວັນຄ້າຍວັນເກີດ ຂອງຜູ້ທີ່ເກີດໃນວັນນີ້ (ທຸກໆວັນ)


ກະປອມບິນ


ນັ່ງເຫງົາເຝົ້າຊົມເດືອນ


ຫົວໃຈຊື່ນຄືນເດືອນເພັງ


23/9/55

ບ່ອນສຸດສຸວັນນະພູມ ຢູ່ຊ່ອງແຄບເມລະກາ ຕໍ່ສິງກະໂປ

ແຕ່ກ່ອນເຄີຍອ່ານຮູ້ ເຫັນຊື່ມາລັກກາ
ໃນຈົດໝາຍເຫດ ການມາລາວ ແຫ່ງວັນວຸສຕ໊ອປພຸ້ນ
ເຂົາເປັນຊາວຮອນແລນແທ້ ໄປພົວພັນທູຕາຕ່າງ
ກັບອານາຈັກລ້ານຊ້າງ ສະໄໝກ້າວພັດທະນາ

ສະໄໝນັ້ນກົງກັບຣັຊການກໍ້າ ພຣະເຈົ້າສູຣິຍະວົງສາ
ມີການກ່າວເຖິງມະລັກກາ ວ່າເປັນເມືອງສຳຄັນແທ້
ດຽວນີ້ເປັນເມືອງມໍດົກແຈ້ງ ສີ່ຮ້ອຍປີປາຍປະຫວັດກ່າວ
ຊາວມາເລກ່າວເອີ້ນ ເມລະກາແທ້ຕ່າງສຽງ

ຕໍ່ມາກໍໄດ້ຮູ້ ປະຫວັດໂລກກ່່າວທາວເຖິງ
ວ່າຊ່ອງແຄບເມລະກາ ວ່າຢູ່ໃສໄດ້ພຽງຮູ້
ເຮົາບໍ່ປະມານໄດ້ ພຽງແຕ່ຮຽນຊື່ໆ
ບາດວ່າມາຮອດແລ້ວ ມັນກໍແຈ້ງກວ່າຕາເຫັນ

ຊ່ອງແຄບເມລະການັ້ນ ແຄບກວ່າໝູ່ຢຄ່ສິງກະໂປ
ບ່ອນທີ່ເປັນບ່ອນສຸດ ແຜ່ນດິນ ອາຊີກໍ້າ
ຮຽກວ່າອາຊີບົວລະພາແທ້ ສຸວັນນະພູມບູຮານວ່າ
ບາງຄົນໄຂກ່າວເວົ້າ ແຫຼມທອງນັ້ນກໍອັນດຽວ

ຊ່ອງແຄບເມລະການັ້ນ ຂັ້ນລະຫວ່າງມາເລ
ກັບອີນໂດເນເຊັນ ສິງກະໂປບ່ອນສຸດສິ້ນ
ແຕ່ກ່ອນດິນແຖວນີ້ ເປັນດິນດຽວທາງອຳນາດ
ເມື່ອກຳເນີດຊາດຂຶ້ນ ຈຶ່ງແບ່ງອອກເປັນສາມ

ທີ່ນີ້ຈະໄດ້ເວົ້າເລື່ອງບ່ອນສ້ຽງ ສຸດແຜ່ນດີນໃຫຍ່ອິນດູຈີນ
ມັນຫາກແມ່ນມາເຊັຍ ທີ່ລັດຈໍຫໍຣ໌ບາຫ໌ຣູນີ້
ເປັນຊາຍແດນກົງກັນຂ້າມ ມີລຳທານຂ້າມແບ່ງ
ສ່ວນສິງກະໂປເປັນດອນແທ້ ມີແມ່ນໍ້າອ້ອມດອນ

ອັນນີ້ເປັນບ່ອນສຸດແທ້ ແຜ່ນດິນໃຫຍ່ອາຊີ
ບູຮານວ່າສຸວັນນະພູມ ແດນຄຳທີ່ເຮົາຮູ້
ອັນວ່າສູນກາງນັ້ນ ຄົງເປັນເມືອງທ່າແຂກ
ເພາະເມືອງບູນຮານເກົ່າກີ້ ສະໄໝລ້ຳພຸດທະການພຸ້ນນາ



20/9/55

ຟ້າແດງສະແຫຼງໃຈ

ຟ້າແດງ ເປັນແສກໆໆ ຍາມອັດສະດົງ ວັນທີ 07/07/11

ແລງວັນທີ 07/07/11 ເວລາທີ່ຖ່າຍ 18:46 ໂມງ, ຈຸດທີ່ຖ່າຍ ສະໜາມຫຼວງຫໜ້າຫໍສະພາ ດ້ານເໜືອ ຖ່ານດ້ວຍກ້ອງ ໂທຣະສັບ NOKIA C7.00 ຂະໜາດພິກເຊລ 6 ລ້ານພິກເຊລ
-------------
ທ້ອງຟ້າແດງ ສະແຫຼງໃຈ ເມື່ອໄດ້ພົບ
ຈັ່ງແມ່ນຈົບ ຈັ່ງແມ່ນງາມ ຍາມໄດ້ມອງ
ອັດສະດົງ ອາທິດລົງ ແສງແດດຕ້ອງ
ຍາມໄດ້ມອງ ທ້ອງຟ້າ ໜ້າພິລົມ
ວັນທີເຈັດ ເດືອນທີເຈັດ ຍາມຄິມຫັນ
ປີສອງພັນ ສິບເອັດ ວັນເໝາະສົມ
ຈັ່ງແມ່ນງາມ ເຫຼືອຄະນາ ແກ່ຜູ້ຊົມ
ຟ້າງາມສົມ ຄົນບໍ່ຊົມ ໄຮ້ຄວາມໝາຍ
ເໝືອນຄົນດີ ມີສີນທັມ ກໍໄຮ້ຄ່າ
ຖ້າຫາກວ່າ ຄົນບໍ່ຍ້ອງ ຕ້ອງສູນຫາຍ
ທັງຄົນດີ ທັງຄວາມດີ ກໍມະລາຍ
ຄົນຊົ່ວກາຍ ເປັນເຈົ້າ ເສົ້າກະມົນ

ອ່ອນໄວ້ໃຫຍ່ຈິງ

- ລົມພານຕ້ອງ ໃບຕອງຂຸຍວາຍ
ກ້ານຕອງກວັກໄກວ່ໂຍ້ນ ໂຍນນ້າວແກວ່ງໄກວ
ເຫັນພຸ່ມພິວຍອດໄມ້ ນ້ອມງ່າຕາມລົມ
ແນມເບິ່ງສາຍທາຣິນໃຫຼ ເຮັ່ງແຮງລົງພື້ນ

- ແມ້ງເມື່ອເວລານັ້ນ ມີ້ມ່ວງກົກຕານ
ໃບບໍ່ຕາມນໍາລົມ ໂຄ່ນຫັກຖະຫຼາລົ້ມ
ດີແຕ່ກົກຂາມນັ້ນ ໃບບາງງ່າອ່ອນ
ລົມຫາກມາຟາດຕ້ອງ ຢັງຄົງໝັ້ນບໍ່ຝັ່ນເຟືອນ

- ຍາມນັ້ນ ຮຽມຫາກມອງສອດສິ້ງ ຊອມເບິ່ງຫຼິງດູ
ຮຽວໃຜ່ທັງງ່າຂາມ ໂອນຕາມລົມຕ້ອງ
ຮຽວໃຜ່ຍາມລົມຕ້ອງ ກົກໃບໂອນອ່ອນ
ຕົ້ນຂາມຕົ້ນໃຫຍ່ແທ້ ຫືກໜາໝັ້ນງ່າບໍ່ແຂງ

- ຢູທ່າງຢືນຢູ່ຢັ້ງ ຍືນຢູ່ຄົງທົນ
ແມ່ນວ່າລົມແຮງພັດ ກໍບໍ່ກົວເກງລົ້ມ
ເໝືອນກັບຄົນເຮົານີ້ ທໍາຕົວໃຫ້ໂອນອ່ອນ
ນົບນອມໄຫວ້ ວັນທານ້ອມເນັ່ງແນ

- ເຖິງວ່າເປັນຜູ້ກ້າ ປັນຍາເລີດເກີນພິກັດ
ຍັງຍ່ອມເຊຊວນຕົກ ຫຼົ່ນລົງຈໍາພື້ນ
ຫາກບໍ່ທໍາຕົວພ້ຽງ ສະເໝີພຽງຮຽວໃຜ່
ຍູງຍາງບົກດູ່ແຕ້ ຍັງຍອມແພ້ພ່າຍລົມ

- ລົມອ່ອນນິ້ມ ແຕ່ແຂງແກ່ນແຮງກະທົບ
ຕໍາດູ່ຍາງຍູງຫັກ ໂຄ່ນກົກຈໍາພື້ນ
ຮຽວໃຜ່ທັງລໍາຕົ້ນ ໃບບາງຕົ້ນກໍອ່ອນ
ຕົ້ນຂາມໃບແລບນ້ອຍ ກົກໝັ້ນງ່າໜຽວ

- ບໍ່ຮ່ອນຫັກໂຄ່ນຕົ້ນ ສະເໝີດັ່ງຍູງຍາງ
ໄຂວ່ຂີນຍືນລຽນຖັນ ຕ້ານລົມກໍຍັງລົ້ມ
ຍົກໃຫ້ເຫັນປະເດັນເລື້ອງ ກະບວນຄວາມຄອງນັກປາດ
ຊາດເມທີຍ່ອມອ່ອນນ້ອມ ວາຈາພ້ອມພໍ່າກາຍ

- ໝາຍວ່າຊາດຜູ້ຮູ້ ຄວນຜີກໄພພິບັດ
ສັດຕູມານຄວນເກງ ຢ່າຫຼົງໃຫຼໄດ້
ອັນວ່າຄົນຄຽງໃກ້ ຄວນຂາມຢ່າປະໝາດ
ຊາດງູເຖິງວ່າເປັນຕົວນ້ອຍ ລະວັງໄວ້ພິດມັນ

- ຈົ່ງຈື່ຈໍາໄຈວ້ໆ ຮອນຮໍ່າຮໍາເພິງ
ໃຫ້ຮີບຕອງຕາຄິດ ໃສ່ໃຈຈໍາໄວ້
ຢ່າໄດ້ຫຼົງໃຫຼແທ້ ໄພມາບໍ່ຮູ້ເມື່ອ
ບູຮານສອນສັ່ງໄວ້ ຄວນໃຫ້ຮໍ່າເພິງ ແທ້ເນີ

໑.ຕ້ອງ
໒.ຍົກ
໓.ຂາມ
໔.ຮີບ
໕.ຜີກ
໖.ໄຈວໆ
໗.ຍູທາງ
໘.ຫຶກຫນາ
໙.ຫຼິງດູ

ຍົດສັກ

ຢາກຮັ່ງມີດີໄດ້ ອ່ານນີ້

- ສີລຂໍ້ໜຶ່ງໃຫ້ຫຼີກເວັ້ນ ຝູງແຫ່ງປານາ
ຄືຂ້າສັດມີຄຸນ ບຽດບຽນຈົນຕາຍສິ້ນ
ທັງຊີວິນຄົນດ້ວຍ ຢ່າທຳລາຍໃຫ້ຊີບລ່ວງ
ລວມທັງບັງບຽດດ້ວຍ ພະຍາມຂ້າຈ່ອງຜານ

- ສິລຂໍ້ທີສອງນັ້ນ ອະທິນນາທານາ ໃຫ້ລະເວັ້ນລັກເຄື່ອງເຂົາ
ລອບລັກທັງຂະໂມຍຂອງ ບັງບຽດເອົາມາໄວ້
ຂອງທີ່ເຂົາບໍ່ໃຫ້ ຢ່າງຈົງໃຈລັກລອບ
ທັງຂອງສົງຂອງລັດດ້ວຍ ກະທຳແລ້ວບາບມະຫັນ

- ສີລຂໍ້ທີສາມນັ້ນ ກາເມແຫ່ງສຸມິສາຈານ
ເສບເມຖ​ຸນນະທັມ ນອກຈາກຜົວເມັຍແກ້ວ
ລູກຂອງເຂົາຈົ່ງໄກເວັ້ນ ຜົວເມັຍເຂົາຈົ່ງລະຫ່າງ
ຄົນທີ່ເເຂົາຮັກຫໍ່ແທ້ ຢ່າລ່ວງເກີນປະເວນີນັ້ນຈົ່ງຫຼິກໄກ

- ສີລຂໍ້ທີສີ່ຈົ່ງຢ່າໄດ້ ເວົ້າລ່າຍບັງປິດ
ສຸສາວາທາ ເວົ້າບໍ່ຈິງລວງລໍ້
ການເວົ້າຈາຂີ້ສໍ້ ລວງປິດບັງລ້ຽວຕໍ່
ມີຄຳໃດເວົ້າໃຫ້ແຈ້ງ ຢ່າບິດບ້ຽງເສື່ອງຄວາມ

- ສິລຂໍ້ທີຫ້າເປັນຕົ້ນເຫງົ້າ ພາໃຫ້ລ່ວງທຳລາຍສິນ ທັງໝົດ
ຄືສຸລາຢາເມົາ ພ້ອມພ​ໍ່າມົວເມົາບ້າ
ກັບການຫຼົງໃຫຼຊັ້ນ ອຳນາດສູງຍົດໃຫຍ່
ທັງຊົນຊັ້ນກໍນັບໄດ້ ລວມເຂົ້າເປັນເລື່ອງເມົາ

ເມົາຍົດລືມຕາຍສ້ຽງ ບໍ່ຮູ້ເມື່ອຄິງຄັກ
ເມົາກາຍວາຍຊີວາ ບໍ່ເມື່ອຄິງຈັກດີ້
ເມົາຜົວເມັບນັ້ນ ລືມວົງວານພໍ່ແມ່
ຄັນເມົາຂອງໝູ່ນີ້ ທຳລາຍສ້ຽງຍອດສິນ ທ່ານເອີຍ.

ຈະໄຫວ້ພຣະແທ້ ຫຼືພຣະຄຳ

ມີພຣະຄຳຫຼາ​ວງຫຼາຍ ມາກມາຍມູນ
ກໍບໍ່ຄູນຫາກທຳຊົ່ວ ມົວຕັນຫາ
ແມ່ນໄຫວ້ວອນຂໍພອນ ຈາກອິນທາ
ກໍຫາຄ່າຄວາມຄູນ ນັ້ນບໍ່ມີ

ມີພຣະແກ້ວພຣະຄຳ ອົງປະເສີດ
ກໍບໍ່ເກີດປະໂຫຍດ ຫາກໂສດສີ
ເກີດເປັນວັນສ້າງແຕ່ກຳ ຄວາມອັບປີ
ເລື່ອງບໍ່ດີກໍມາແທນ ແສນທຸກທົນ

ອັນພຣະດີ ມີມາກມາຍ ຫຼາຍເຫຼືອແທ້
ຄົນເກົ່າແກ່ ສ້າງໄວ້ ທົ່ວທຸກຫົນ
ຫາກຄົນດີ ບູຊາພຣະ ໄວ້ກັບຕົນ
ຍ່ອມສົ່ງຜົນ ໃຫ້ຜູ້ໄຫວ້ ໄດ້ສຸກນຳ

ມີພຣະດີດີບໍ່ເກີດ ຫາກທຳຊົ່ວ
ຖ້າບໍ່ຄວ່າ ໄຫວ້ວອນພຣະ ທຸກເຊົ້າຄ່ຳ
ມີພຣະດີ ຫາກຈິດໃຈ ບໍ່ນ້ອມນຳ
ເຮັດດ້ວຍຄຳ ເປັນພຽງຄຳ ບໍ່ມີຄູນ

ມັນຕ່າງ

ແຕ່ກີ້ຊາຍໃດກ້າ ຫານຢາຍຈອກສຸຣາ
ໃຫ້ແກ່ນາຣີກິນ ໂລກປະນາມວ່າຊາຍບ້າ
ດຽວນີ້ຍິງໃດຫານຢາຍເຫຼົ້າ ໃຫ້ຊາຍກິນຕາມສັ່ງ
ຍິງນັ້ນຫອມທົ່ວບ້ານ ຊາຍໂຮມຕ້ອນທຸກວັນ

ຊາຍໃດຖົງເງີນຕຶ້ງ ເຕັມປານເຈັ້ຍເສັດ
ຊາຍນັ້ນຍິງທົ່ວດ້າວ ສງວນເຂົ້າທຽບທຽມ
ຍິງໃດຊ່າງຊອກໃຊ້ ເງິນມາກມາມື
ແມ່ນໄດ້ມາທາງໃດບໍ່ຫົວຊາ ວ່າແຕ່ມີເງິນໃຊ້

ຊາຍໃດມີເມັຍຊ້ອນ ສາມຫາວຈາກັບສາວອ່ອນ
ຊາຍນັ້ນເຂົ້າກ່າວທານທົ່ວບ້ານ ວ່າໄກ້ແຈ້ຈອບສາວ
ດຽວນີ້ຊາຍທົ່ວດ້າວ ເມັຍບໍ່ມາກຫຼວງຫຼາຍ
ເຫຼືອນັ້ນເປັນພຽງກິ້ກ ແກ້ເຫງົາຍາມເມັຍປ້ອຍ

ດຽວນີ້ ສັງຄົມກ້າວ ພັດທະນາການໄປທາງເສື່ອມ
ຄົນນິຍົມທົ່ວດ້າວ ໃຜໄປຄ້ານເພິ່ນວ່າເຊີຍ
ຫົວບູຮານແທ້ເວີ້ຍ ເປັນຄົນໂງ່ບໍ່ທັນຄົນ
ສັງຄົມມັນພາເປັນ ຫາກປ່ຽນໄປພໍແຮງແລ້ວ

ສັງຄົມກ້າວ ການຫຍັງກໍຈັກເສື່ອມ
ວັດທະນະທັມຮີດເຄົ້າ ລືມຈ້ອຍຄ່າບໍ່ສູງ
ທັມມະກໍດ່າງດ້ວຍ ເຂົາກ່າວວ່າພຣະບໍ່ສອນ
ພຸດໂທທັມທັງສົງ ບໍ່ຮູ້ຈັກພໍນ້ອຍ

ພຣະເທດສອນສັມມາເວົ້າ ຈາຄວາມຄຳເທດ
ເຂົາກໍຫາເຫດເລື່ອງ ວ່າພຣະປ້ອຍດ່າບໍ່ເຊົາ
ຄັນວ່າພຣະກ່າວເວົ້າ ຄຳເກົ່າພຣະສັມມາ
ຫາວ່າເອົາຄຳສັງ ມາຈົ່ມຈາບໍ່ເຫັນຮູ້

ຄັນວ່າສັງໂຄເຈົ້າ ເວົ້າຄວາມຄົນໃຫ້ແຈ້ງເຈດ
ເຂົາກໍຫາເຫດເວົ້າ ວ່າພຣະຫຍຸ້ງເລື່ອງເຂົາ
ຄັນວ່າພຣະບໍ່ເວົ້າ ເນົານັ່ງດາດາຍ
ເຂົາກໍວ່າຈາຂານ ບວດດາຍເສັຍແຮງລ້ຽງ

ອັນນີ້ຍັງຄົມກ້າວ ຄົນກາຍກາຍເປັນເປັ້ຍລ່ອຍ
ສະໝອງສູນເສື່ອມສ້ຽງ ກາຍເປັນບ້າຢູ່ບໍ່ເຊົາ
ໃຜຫາກຄິດໄຄ່ຮູ້ ໃນເຫດແຫ່ງຄວາມເປັນໄປ
ຂໍຈົ່ງພິຈານຄິດ ໃຫ້ຖືກຄອງຄຳເຄົ້າ

ສັງຄົມຄົນຄາວນີ້ ມີຫຼາຍອັນແປກຕ່າງ
ຄວາມດີກັບເປັນຮ້າຍ ຄວາມໃດດ້ອຍພັດຖືກໃຈ
ອັນໃດທຳແລ້ວຫຍຸ້ງ ໃຫ້ຄິດເບິ່ງໃຫ້ມັນຄັກ
ຢ່າຊິເອົາຕາມໃຈ ຊົ່ວຊິມາພາຍຊ້ອຍ

ສອຍວອຍໂລກາສ້ວຍ ຄັນກະສວຍໜີກີ່
ຄວາມດີໜີຫຼີກເວັ້ນ ອະກຸສົນເຂົ້າຄອບຄອງ
ໃຜຫາກຖືທັມແທ້ ຈະສຸກໃຈອັນເລີດ
ໃຜບໍ່ຮູ້ຮີດເຄົ້າ ໄຟຈັກໃໝ້ລະຫວ່າງຊວງ ບໍ່ຢ່າແລ້ວ
 

ເປັນໄປໄດ້ທັງນັ້ນ


ຍົນບິນບົນຢູ່ຟາກຟ້າ ນໍ້າໃຫຍ່ຍັງຖ້ວມຕີນ
ນໍ້າຖ້ວມດິນທໍລະນີຫຼຸບ ພັດຖ້ວມຍົນນໍາພ້ອມ
ສັງບໍ່ບິນເຫີນຟ້າ ນໍ້າໃຫຼມາບິນຫຼີກ
ສົມກັບວ່າເປັນເຈົ້າ ເວຫາພຸ້ນຟາກພະໂຍມ

ເໝືອນບູຮານກ່າວໄວ້ ສອນສັ່ງແຕ່ເດີມດາ
ນໍ້າຖ້ວມນາປາກິນນາມົດ ປາພາກພູມນູມທ້ອງ
ບາດວ່າເຖິງຄາວຮ້າຍ ນໍ້າບົກລົງແຫ້ງເຫືອດ
ມົດກໍດີໃຈລົ້ນ ອາຫານຊ້ອຍໄດ້ກິນປາ

ຍົນກໍເປັນດັ່ງນັ້ນ ຈະເກ່ງກາດໃນເວຫາ
ປາກໍຊຽນແຕ່ໃນໜອງ ບຶ່ງຄອງທາລານໍ້າ
ອັນວ່າຄວາມເກ່ງນັ້ນ ທັງດີທັງເດັ່ນ
ມັນກໍເປັນດັ່ງນັ້ນ ຈະທຽມຊັ້ນກັນບໍ່ມີ

ດ້ວຍເຫດນີ້ ເພິ່ນຈຶ່ງສອນສັ່ງໄວ້ ຕັ້ງແຕ່ເກົ່າບູຮານເຫິງ
ຄວນແກ່ພິຈານຄັກ ໃຫ້ຮູ່ງຫວນເຫັນແຈ້ງ
ຍາມເມື່ອເຮືອຄາແກ້ງ ກວຽນເຫັນໃຫ້ກວຽນແກ່ ແດ່ເດີ
ຍາມເມື່ອຮອດແມ່ນໍ້າ ເຮືອຊິໄດ້ແກ່ກວຽນ

ຄົນເຮົາກໍເປັນດັ່ງນັ້ນ ຢ່າລືມຮີດຄອງລາວ
ບໍ່ມີໃຜຈະດີໝົດ ເລີດກວ່າກັນຈັກດີ້
ຍາມເມື່ອສຸກຂີແລ້ວ ລວຍດີມີຮັ່ງ
ຈົ່ງຄິດເຫັນພີ່ນ້ອງ ທໍາດີໄວ້ຈຶ່ງຊີຄູນ ທ່ານເອີຍ

15/9/55

ຍິ້ມຮັກນິຣັນ


ເງິນນໍເງິນ


ແມວໂຜດ


ຂັນຕິ-ໂສຣັຈຈະ


13/9/55

ເເມວໂຜດ

ເເມວໂຜດ
--------------------
- ສຽງແມວຮ້ອງແຈ້ວໆ ແມວແມ່ວແຊວໆ
ດັງເປັນແລວຕາມລົມ ຂ້າງສິມສາລານ້ອຍ
ວອຍໆໂຫຍຫວນໃຫ້ ເອີ້ນຮຽກຫາພໍ່ແມ່
ແມວນ້ອຍແດດ່າວດິ້ນ ຍັງນ້ອຍຍ່າງບໍ່ເປັນ

- ແມວນ້ອຍຊຸມສໍ່ານີ້ ຄົນນຳມາໂຜດກາງວັດ
ຫວັງກຳຈັດຄວາມອຸກ ທຸກຈາກສຽງມັນຮ້ອງ
ເອົາມາກອງກັນໄວ້ ໄລລາປະປ່ອຍ
ແມວນ້ອຍຮັບກຳແທ້ ບໍ່ເຄີນໄດ້ສ້າງເວນ

- ຄົນເປັນຜູ້ກໍ່ສ້າງ ກຳກ່ອນເກີນກຳນົດ
ບໍ່ສົນກົດແຫ່ງກຳ ທີ່ຕົນທຳລົງໄວ້
ລ້ຽງແມວຫວັງພຽງໃຫ້ ຍາມໜູອາລະວາດ
ບາດໜູຫາຍສາບກ້ຽງ ແມວກໍໄຮ້ຄ່າຄຸນ

- ຊໍ້າບໍ່ໜຳຍັງສ້າງຮຸ້ນ ເພີ່ມກຳໃໝ່ໃນກາງວັດ
ໂຜດແມວຫວັງພຽງຫວິດ ໃຫ້ຫ່າງຫູບໍ່ຫວນຮູ້
ຍັງຖູທຳກຳສ້າງ ອະກຸສົນອັນເປັນບາບ
ແມວນ້ອຍຊ່ວຍຕົວເອງບໍ່ມົ້ມ ແນວນີ້ສ້າງເວນ ທ່ານເອີຍ

- ຄວາມທຸກໃນໂລກນີ້ ບໍ່ເທົ່າພາກມານດາ
ພາກບິດາທັງວົງສາ ຖິ່ນພູມພົງເພື່ອນ
ຫ່າງທັງໃຈກາຍໝອງໃໝ້ ຫິວໂຫຍຂາດທີ່ເພິ່ງ
ຊ່ວຍຕົວເອງຍັງບໍໄດ້ ໄພຍັງມີຮອບດ້ານ
---ໃຜຫານທຳແບບນີ້ ຄົງປູ້ຍິ່ງກວ່າແມວ ແງ່ວໆໆໆ.
-------------

ພອ.ເນືອງພິລັກ ໂຊຕິທອນ(ສາຍເຊລຳເພົາ) 13/09/12

18/8/55

ວອນຟ້າຊ່ວຍ


ໃຜຖືທ້າຍ


14/6/55

ຍາມອັດສະດົງ

ກອນ­ແບບ­ນີ້ ຮີດ­ທີ່­ສຸດ­ກ່ອນ­ປົດ­ປ່ອຍ ຢາກ­ແຕ່ງ­ແບບ­ນີ້ມານານ­ແລ້ວ ອ່ານ­ແລ້ວ­ຄ່ອງ­ສາມາດ­ຈື່­ໄວ

- ອັສ­ດົງ­ລົງ­ຄ້ອຍ ຄອຍ­ຄົນ­ທີ່­ຈອນ­ຈາກ
ພັດ­ພາກ­ບ້ານເກີດ­ກໍ້າ ໜີ­ໄປ­ຊົ້ນ­ຕ່າງ­ແດນ
ສຸດ­ທີ່ອຸກ­ອັ່ງ­ແຄ້ນ ­ແສນ­ຫວ່າງ­ພະ­ອວນນາງ
ຈັກ­ວ່າ­ໄປທາງ­ໃດ ບໍ່­ຂ່າວມາ­ໃຫ້­ຄອງ­ຖ້າ

ມອງເຫັນເມ­ຄາເຂົ້າ ບັງ­ແສງ­ສຸຣິເຍດ
­ໃກ້­ຄໍ່າມອງ­ທົ່ງກ­ວ້າງ ຄວາຍ­ບັກ­ຕູ້­ຫງ່ວມເຫງົາ
ວິ­ຫົກເຫີນ­ບິນເຂົ້າ ຊອກ­ບ່ອນເຮືອນ­ຮັງ
ງົວ­ຄວາຍ­ຄືນ­ແລ່ງເດີມ ຕາມ­ມັນເຄີຍ­ແທ້

­ແຕ່ວ່ານວນນາງ­ນ້ອງ ບໍ່ເຫັນ­ຫວນ­ກັບ­ຕ່າວ
ເມືອງ­ລາວ­ດິນເກີດ­ກໍ້າ ບໍ່ເຫັນ­ນ້ອງ­ຫ່ວງ­ໃຍ
­ໃຈກະ­ສັນ­ຈວບ­ນ້ອງ ຍາມເມື່ອ­ອັດ­ສະ­ດົງ
ຂໍ­ໃຫ້ນວນ­ອາ­ນົງ­ກັບ ຕ່າວມາ­ຢ່າເມີນ­ມ້າງ

ຄືນມາຄອງ­ຄຽງ­ສ້າງ ເມືອງ­ລາວ­ໃຫ້ມັນ­ຮຸ່ງ
ມາ­ປັບ­ປຸງ­ປົວ­ແປງ­ຢ້າວ ­ໃຫ້­ລາວ­ກ້າວ­ຍຸກ­ສະ­­ໄໝ
ອັດ­ສະ­ດົງ­ລົງ­ໃຕ້ ສຸຣີອ່ວຍ­ຮວຍ­ຝົນ
ດິນ­ແດນ­ລາວ­ຍັງ­ອຸດົມ ­ໃຫ້­ຕ່າວ­ຄືນ­ໄວ­ຟ້າວ
(ຈົບ­ທໍ່ນີ້ ຄົນ­ຊິ­ຕິວ່າ­ແຕ່ງກອນ­ຮັກ)

28/5/55

ພຣະປະຕິມາ


ເບິ່ງນານໆ


ຢູ່ໃກ້ກໍໄຮ້ຄ່າ


17/5/55

ຄັນ­ຈັກ­ຮັກ

ຄັນ­ຈັກ­ຮັກ ຈົ່ງ­ຮຽນ­ຮູ້ ­ໃຫ້­ຖືກ­ຕ້ອງ
ຮູ້­ຄັນ­ລອງ ຂອງ­ຄວາມ­ຮັກ ­ໃຫ້ເໝາະ­ສົມ
ຮູ້ເລື່ອງ­ລາວ ກະ­ຕິກາ ຄວາມ­ນິຍົມ
­ແລ້ວມາ­ສົມ ສູດ­ຂອງ­ຮັກ ­ໃຫ້­ຖືກ­ຕົນ

ຄົນ­ບໍ່­ຮູ້ ຈັກ­ຄວາມ­ຮັກ ມັກ­ຈະ­ທຸກ
ທັງ­ຄວາມ­ອຸກ ຄວາມ­ອັ່ງ ທັງ­ຄວາມ­ຂົມ
ປະ­­ໄວ້ເຫິງ ຄວາມ­ຮັກ­ນັ້ນ ອາດ­ລະ­ບົມ
ມັນ­ສະ­ສົມ ­ໄວ້ເຫິງ ທຸກ­ມີ­ຈິງ

ທຸກຮັ່ງຢູ່ທີ່ໃດ

- ຄົນ­ທຸກ­ທຸກເຄື່ອງ­ໃຊ້ ຜ້າ­ຜ່ອນ­ທ່ອນ­ສະ­­ໃບ
ຫາກ­ວ່າ­ໃຈ­ມີ­ທັມ ພັດ­ຢູ່­ສຸກກະ­ເສີມ­ແທ້
­ແມ່ນ­ຈະ­ທໍາການ­ສ້າງ ­ແນວ­ໃດ­ກໍສອດ­ຄ່ອງ
ສຸກມາຄອງ­ໂອບເອື້ອມ ເຫຼືອງເຫຼື້ອມ­ທີ່­ໃຈ

- ຄົນ­ຮັ່ງ­ຮັ່ງເຄື່ອງ­ໃຊ້ ມາຍມາກ­ອັກ­ໂຂ
ຕົນ­ໂຕເຕັມ­ແຕ່­ຄໍາ ມາກ­ມູນ­ຂອງ­ໃຊ້
ມີ­ລົດເກັ່ງ­ຄັນ­ໂກ້ ເຮືອນ­ສູງ­ຕຶກ­ໃຫຍ່
­ໃຈອະ­ທໍາບາບ­ກໍເຂົ້າ ­ໃຈ­ກໍເສົ້າເນົ່າ­ຢູ່­ໃນ ຫັ້ນ­ແລ

ຄົນທໍາມະດາ

ເກີດ­ຢູ່ບ້ານ..............ເຂດ­ປ່າ­ໃນ­ດົງ
ພໍລຸກມາ....................­ແຕ່ງຄົວກິນເຂົ້າ
ມືຄວາ­ພ້າ...................ບາຍເອົາດວງ­ກ່ຽວ
ເດີນ­ມຸ່ງ­ໜ້າ.................­ໄປ­ພ້ອມ­ໝູ່­ຄວາຍ
- ພໍຮອດ­ແລ້ວ.............ເຂດ­ທົ່ງນາເຫຼືອງ
ຜູກ­ມັດ­ຄວາຍ...............ຢູ່ເທິງ­ໂພນ­ນ້ອຍ
ເອົາ­ແພ­ປ້ອງ................ພັນ­ຫົວ­ບັງ­ແດດ
ມືກ່ຽວເຂົ້າ...................ປາກ­ຮ້ອງ­ສົ່ງ­ລໍາ
- ຄົມ­ກ່ຽວ­ຕ້ອງ.............ກໍເຂົ້າຂາດເປັນ­ກໍາ
ຈັບມາ­ໂຮມ..................ພາດ­ລຽນ­ພໍຮ້ອຍ
ສົມ­ຄວນ­ແລ້ວ...............ຕາເວັນ­ຕັ້ງ­ທ່ຽງ
­ໄປເບິ່ງ­ຕ້ອນ................ປາ­ຄ້າງ­ຢູ່­ຫຼາຍ
- ຈັບ­ຄໍ່ດຸກ..................ມາສຽບເປັນ­ໂຕ
ເອົາເກືອ­ໂຮຍ...............ຄິດ­ຢາກ­ກິນ­ປີ້ງ
ປາຂາວ­ນ້ອຍ................ຊຸມ­ມັນ­ຖືກ­ຫຼີ່
ເອົາເຮັດ­ສົ້ມ................ເຂືອ­ນ້ອຍພິກໂຮຍ
- ກິນ­ອີ່ມ­ທ້ອງ..............ຢຸດ­ພັກເອົາ­ແຮງ
ນອນກາງ­ຖຽງ..............ໝູ່ກາວອນ­ຮ້ອງ
ລົມ­ພັດ­ຊ້ອຍ..................ເຢັນ­ດີຍາມ­ທ່ຽງ
­ແດດແກ່ກ້າ...............­ແຮງ­ຂຶ້ນກ­ວ່າຫຼັງ
- ພໍລຸກ­ຂຶ້ນ.................ນ້ໍາສ­ວ່າຍ­ຂັດ­ສີ
ຕາ­ມືນ­ໃສ...................ເບິ່ງ­ໄປນາກ­ວ້າງ
ຈັບເອົາ­ສົ້ມ..................ໝາກຂາມກັດ­ຕື່ມ
ຕາ­ຍິ່ງ­ແຈ້ງ..................ກິນ­ສົ້ມ­ແຈ່ວເກືອ...
- ຕາແຈ່ມແຈ້ງ.............ລົງທົ່ງນາເຫຼືອງ
ໄປຄ່ຽນຄວາຍ.............ແລ່ງດີເຊົາຊົ້ນ
ລົງໄປນໍ້າ.....................ໜອງນາລົງອາບ
ກັບຜູກໄວ້....................ເຊົາຊົ້ນຮົ່ມແກ
 

ປົວແປງຫຼັງນ້ໍາຖ້ວມ

ລາວເຮົາ­ຢູ່­ສູງ­ສຽດ­ຟ້າ­ນ້ໍາ­ຍັງ­ຖ້ວມເສັຍ­ຫາຍ
ນ້ໍາຫຼວງ­ຫຼາຍ­ທັ່ງເທ­ຖ້ວມ­ພູສູງ­ສະ­ເໝີ­ຟ້າ
­ແຂວງ­ວຽງ­ຈັນ­ບໍ່ນ້ອຍ­ໜູງ­ນ້ໍາ­ຍັງ­ກ້າ­ຖ້ວມ
ຊ້າຫຍັງ­ວຽງ­ທ່າ­ແຂກ­ບໍຣິ­ຄັນ­ສະ­ຫວັນ­ຢູ່­ຕໍ່າເຕັ້ຍ­ນໍ້າ­ຊິບໍ່­ຖ້ວມ­ອ່ວມ­ຂັງ

ນໍ້າ­ບົກ­ແລ້ວ­ຍັງ­ຕ້ອງ­ຕັ້ງ ທໍາ­ໜ້າ­ທີ່­ປົວ­ແປງ
ຢຽວ­ຢາ­ທີ່­ສູນເສັຍ­ຈາກ­ໄພມະ­ຫັນ­ນີ້
ທັງ­ທົ່ງນາ­ຜືນກ­ວ້າງ­ດິນດອນ­ອັນກ­ວ້າງ­ໃຫຍ່
ຜົນ­ລະ­ປູກ­ພືດ­ໄມ້­ທີ່ເສັຍ­ຍ້ອນເພາະ­ນ້ໍາ­ຂັງ

ເປັນໄປໄດ້ ທັງນັ້ນ

ຍົນ­ບິນ­ບົນ­ຢູ່­ຟາກ­ຟ້າ ນໍ້າ­ໃຫຍ່ຍັງ­ຖ້ວມ­ຕີນ
ນໍ້າ­ຖ້ວມ­ດິນ­ທໍລະ­ນີ­ຫຼຸບ ພັດ­ຖ້ວມ­ຍົນ­ນໍາ­ພ້ອມ
ສັງ­ບໍ່ບິນເຫີນ­ຟ້າ ນໍ້າ­ໃຫຼມາ­ບິນ­ຫຼີກ
ສົມ­ກັບ­ວ່າເປັນເຈົ້າ ເວ­ຫາ­ພຸ້ນ­ຟາກ­ພະ­­ໂຍມ
ເໝືອນ­ບູຮານ­ກ່າວ­ໄວ້ ສອນ­ສັ່ງ­ແຕ່ເດີມດາ
ນໍ້າ­ຖ້ວມນາປາ­ກິນນາ­ມົດ ປາພາກ­ພູມ­ນູມ­ທ້ອງ
ບາດ­ວ່າເຖິງ­ຄາວ­ຮ້າຍ ນໍ້າ­ບົກ­ລົງ­ແຫ້ງເຫືອດ
ມົດ­ກໍດີ­ໃຈ­ລົ້ນ ອາຫານ­ຊ້ອຍ­ໄດ້ກິນ­ປາ
ຍົນ­ກໍເປັນ­ດັ່ງ­ນັ້ນ ຈະ­ເກ່ງກາດ­ໃນເວ­ຫາ
ປາ­ກໍຊຽນ­ແຕ່­ໃນ­ໜອງ ບຶ່ງ­ຄອງ­ທາລາ­ນໍ້າ
ອັນ­ວ່າຄວາມເກ່ງ­ນັ້ນ ທັງ­ດີ­ທັງເດັ່ນ
ມັນ­ກໍເປັນ­ດັ່ງ­ນັ້ນ ຈະ­ທຽມ­ຊັ້ນ­ກັນ­ບໍ່ມີ
ດ້ວຍເຫດ­ນີ້ ເພິ່ນ­ຈຶ່ງ­ສອນ­ສັ່ງ­ໄວ້ ຕັ້ງ­ແຕ່ເກົ່າ­ບູຮານເຫິງ
ຄວນ­ແກ່­ພິ­ຈານ­ຄັກ ­ໃຫ້­ຮູ່ງ­ຫວນເຫັນ­ແຈ້ງ
ຍາມເມື່ອເຮືອ­ຄາ­ແກ້ງ ກ­ວຽນເຫັນ­ໃຫ້ກ­ວຽນ­ແກ່ ­ແດ່ເດີ
ຍາມເມື່ອ­ຮອດ­ແມ່ນໍ້າ ເຮືອ­ຊິ­ໄດ້­ແກ່ກ­ວຽນ
ຄົນເຮົາ­ກໍເປັນ­ດັ່ງ­ນັ້ນ ຢ່າ­ລືມ­ຮີດ­ຄອງ­ລາວ
ບໍ່ມີ­ໃຜຈະ­ດີ­ໝົດ ເລີດກ­ວ່າ­ກັນ­ຈັກ­ດີ້
ຍາມເມື່ອ­ສຸກ­ຂີ­ແລ້ວ ລວຍ­ດີມີ­ຮັ່ງ
ຈົ່ງ­ຄິດເຫັນ­ພີ່ນ້ອງ ທໍາ­ດີ­ໄວ້­ຈຶ່ງ­ຊີ­ຄູນ ທ່ານເອີຍ

ລູກຄົນອື່ນຊົ່ວເຕັມບ້ານ ບໍ່ເທົ່າກັບລູກຫຼານຕົນໂງ່ຄົນດຽວ

ແມ່­ຕູ້­ແກ້ວ­ລາວ­ຕ້ານ ຈາ­ຈົ່ມ­ບໍ່ເຄີຍເຊົາ
ຍິນ­ແຕ່­ຊ່າຂອງເຂົາ ພັດ­ຖືກ­ໂຕເຕັມກະ­ດົ້ງ
ລູກເຂົາ­ຊົ່ວເຕັມ­ບ້ານ ພານເພອາລະ­ວາດ
ເຮົາຫຼີກ­ລຽງກະ­­ແລ້ວ ບໍ່ມີ­ແປ້ວ­ລະ­ຫວ່າງ­ໃຈ

ບັດ­ນີ້ ເຖິງ­ຄາວ­ຮ້າຍ ເປັນ­ຕາ­ໜ່າຍ­ອາຍ­ຫົວເຂົາ
ລູກ­ຫຼານ­ໂຕ­ປັນຍາເຍົາ ພັດເປັນ­ພານ­ນໍາ­ພ້ອມ
ວຽກ­ບໍ່ງານການ­ບໍ່­ສ້າງ ການ­ສຶກ­ສາ­ບໍ່ເຄີຍເຕື່ອງ
ກັບມາ­ຊົ່ວ­ບັງບຽດ­ຮ້າຍ ທໍາລາຍ­ຖິ້ມ­ໂຄດ­ວົງ­ໄດ້­ແລ້ວ

ລູກເພິ່ນ­ຊົ່ວ­ສະ­ຫຼາດ­ລໍ້າ ຮູ້­ຈັກ­ຖືກ­ຈັກ­ຜິດ
ພໍ່­ແມ່ບອກ­ສອນ­ພໍພຽງ­ຄວາມ ກໍຮູ້­ຈິງ­ປະ­ຈັກ­ແຈ້ງ
ສາມາດ­ກັບ­ຕົວ­ໄດ້ ສະ­ໝອງ­ໄວ­ໃຈສະ­ຫວ່າງ
ຮູ້­ຈັກ­ດີ­ແລະ­ຮ້າຍ ບໍ່­ທໍາລາຍເຊື້ອ­ຊາດ­ວົງ

ອັນ­ນີ້ເປັນ­ຄໍາເວົ້າ ­ແມ່­ຕູ້­ແກ້ວ­ລາວ­ຈົ່ມ­ຈາ
ວາດ­ສະ­ໜາພາເປັນ ລູກ­ຫຼານ­ລາວເປັນ­ແນວ­ນັ້ນ
ມັນ­ສໍາ­ຄັນ­ທີ່­ໃຈ­ຂ້າ ຜູ້­ໄດ້­ຟັງເປັນເລື່ອງ­ໃຫຍ່­ສາ­ແລ້ວ
ຫາກ­ລູກ­ຫຼານ­ລາວ­ທົ່ວ­ບ້ານ ເມືອງ­ນີ້ເປັນ­ດັ່ງ­ນັ້ນ ບ້ານເມືອງເສົ້າ­ຂຸ່ນ­ມົວ­ແທ້­ແລ້ວ

ຄົນ­ລາວ­ຄວນ­ຄົ້ນ­ຄ­ວ້າ ວິ­ໄຈ­ແຍກ­ໃຫ້ມັນ­ຄັກ
ຄົນ­ພານເຕັມ­ທົ່ວເມືອງ ຫາກ­ວ່າ­ມີ­ປັນຍາ­ລໍ້າ
ເອົາ­ສິນ­ທໍາ­ນໍາ­ຊີ້ ອາດ­ກັບ­ດີ­ປ່ຽນ­ແປງ­ໃໝ່
ຫາກ­ຄົນ­ຊື່ບາບ­ໃບ້ ປັນຍາເຍົາ­ບໍ່­ຮຸ່ງ­ຮູ້ ບ້ານເມືອງ­ສ້ວຍເພາະ­­ໂງ່ເຂົາ ທ່ານເອີຍ

ຮຸ່ງອະຣຸນ ຢູ່ບ້ານຂ້ອຍ

ແສງ­ທອງ­ຮຸ່ງ­ຕອນເຊົ້າ ທີ່­ສາລາ­ດ່ານ­ຫາງດອນ­ຂະ­ເໝົາ
ມອງ­ສ່ອງ­ລົງ­ລໍາຂອງ ແລ­ລົງ­ທາງ­ໃຕ້
ເຫັນ­ໝູ່ເຮືອນ­ລຽນ­ລ້າຍ ລອຍ­ຂອງ­ຂຶ້ນ­ລ່ອງ
ຟອງ­ຟາດ­ແຄມ­ແມ່ນໍ້າ ­ແສງ­ທອງເຫຼື້ອມ­ດັ່ງ­ຄໍາ

ຮຽມ­ນັ່ງມອງ­ລົງ­ນໍ້າ ­ແລ­ລ່ໍາາາມ­ລໍາຂອງ
­ແມ່ນໍ້າ­ວັງເວີນເລີກ ກ­ວ້າງເກີນເປັນ­ຕາ­ຢ້ານ
ຫົວດອນ­ຖານຍາວເຍີ້ນ ຫາດເຂີນ­ຂະ­ຫຍາຍອອກ
ດອນກາກາງ­ແມ່ນໍ້າ ­ໃກ­ພຸ້ນ­ແມ່ນດອນ­ພິມານ

ມີດອນ­ນ້ອຍກາງ­ກັນ­ໄວ້ ­ໃຕ້­ຕໍ່າ­ຫົວດອນ­ລຽງ
ເຫັນ­ແຕ່­ພຽງ­ລິວ­ລັບ ­ແມ່ນ­ຫົວດອນ­ລົບ­ປາ­ດີ­ຊ້ອນ
ມອງ­ລ່ອງ­ລົງ­ທາງ­ໃຕ້ ສະ­ຫຼຽງ­ໄປ­ຈັກ­ໜ່ອຍ
ຫົວດອນ­ຮີນ້ອຍ­ນັ້ນ ຖັດ­ນັ້ນ­ແມ່ນດອນ­ໂລງ

ບ່ອນ­ນີ້­ແມ່ນໍ້າ­ຊົ້ງ ທັງກ­ວ້າງ­ໃຫຍ່ເຫຼືອ­ຫຼາຍ
ຫົວ­ພູພະ­ອອມ­ບັງ ຝັ່ງ­ຂະ­ເໝນ­ທາງ­ຂວາ­ກໍ້າ
ນໍ້າຂອງ­ຊາຍ­ແດນ­ທີ່ນີ້ ຮູຮອມ­ຮຽວ­ຮ່ອມ
­ໃກ­ກັນ­ພຽງ­ສອງ­ຮ້ອຍ­ແມັດເທົ່າ­ນັ້ນ ­ແມ່­ຂອງ­ຂັ້ນ­ດິນ­ແດນ

ທ່າເສືອ­ໝີ­ຢູ່­ທາງ­ໃຕ້ ຕໍ່­ໃສ່­ທ່າກະ­ສັງ
ຂ້າ­ຫົວ­ພູພະ­ອອມມາ ບ້ານ­ທ່າເປືອຍ­ທ່າ­ແກ­ຊ້ອນ
ທາງ­ຝັ່ງ­ລາວເຮົາ­ນັ້ນ ດອນ­ຂະ­ເໝົາ­ຂັ້ນ­ແບ່ງ
ຮອງ­ຂອງ­ຮຽບ­ແຄບເຂົ້າ ເຫັນ­ຂັ້ນ­ຢູ່­ແຕ່­ໄກ

ນັ້ນ­ແມ່ນ­ຫາງ­ຈໍາປາ­ສັກ­ແທ້ ຂັ້ນ­ແບ່ງ­ຫົວ­ທ່າ­ແກ
ປາກເຊ­ລໍາເພົາ­ຕົກ ລະ­ຫວ່າງ­ດິນ­ສອງ­ກໍ້າ
­ແລ­ລ່ໍາມາທາງ­ກ້ໍາ ດອນ­ຂະ­ເໝົາຕາເວັນອອກ
­ແມ່ນໍ້າກ­ວ້າງ­ໃກ­ແທ້ ເຮືອ­ລອຍ­ຂ້າມ­ສ­ວ່ານ­ສົນ

ຝັ່ງ­ຂອງ­ກໍ້າເບື້ອງ­ນັ້ນ ­ແມ່ນເຂດດອນ­ໂຂງ
ບ້ານເມືອງ­ແສນ­ຄົນ­ໂຮມ ຕະຫລາດ­ຂາຍ­ຂອງ­ຄ້າ
ນາວາເຮືອ­ໂຮມ­ຮ້ອຍ ຈອດ­ກັນ­ລຽນ­ແນບ
ຊາວດອນ­ພາ­ກັນ­ຊື້ ຂາຍ­ຄ້າເຄື່ອງ­ຂອງ

ຫຼຽວ­ໄປເບື້ອງ­ຊ້າຍ ເປັນດອນເຫຼັກ­ໄຟ
ຫາງ­ຮີ­ໃຫຍ່­ລຽນ­ສະ­ຫຼັບ ຕໍ່ກັບດອນ­ດົ້ງ
ຫາກ­ລົງ­ໄປທາງ­ໃຕ້ ຢ່າ­ລືມ­ໄປ­ຢ້ຽມ­ແວ່
ບໍ່­ຫໍ່ເຂົ້າ­ກໍ­ໄດ້ ບໍ່ຍອມ­ໃຫ້­ທ່ານ­ຫິວດອກນາ.

ຄາຖາ ໄຮ້ທຸກຂ໌

ມີ­ສິ່ງ­ຂອງເຄື່ອງ­ໃຊ້ ມູນມາກ­ອັກ­ໂຂ
ຕ້ອງ­ຮູ້­ຈັກ­ຄວາມ­ມີ ­ໃຊ້ເປັນ­ໃຫ້ມັນ­ໄດ້
ມີມາກມາຍ­ຫຼາຍ­ແທ້ ­ໃຊ້ບໍ່ເປັນ­ທຸກ­ກໍມາກ
ມີມາກ­ຫຼາຍ­ຫຼາກ­ລົ້ນ ກໍສົນເລື້ອຍ­ທຸກ­ບໍ່ວາຍ

ມີກໍສຸກ­ທຸກ­ກໍ­ໄດ້ ຫາກ­ໃຊ້­ສິ່ງ­ທີ່ເຮົາ
­ໃຊ້ບໍ່ເປັນ­ກໍ​ເສັຍ­ທີ່ ທຸກ­ທີ່ມີ­ຂອງ­ໃຊ້
ຄວາມ­ສຸກມາ­ບັນ­ທອນ­ໄດ້ ຈິດ­ໃຈຫຍຸ້ງຍາກ
ລໍາບາກ­ຫຼາຍ­ຫຼາກ­ລົ້ນ ເພາະ­ມີ­ແລ້ວ­ທຸກ­ທຸກເຈືອ­ປົນ

ຍາມ­ຊອກ­ຫາມາ­ໄດ້ ­ໃຊ້­ຈ່າຍ­ໃຫ້ເປັນ­ສຸກ
­ໃຊ້ບໍ່ເປັນ­ກໍເປັນ­ທຸກ ຍາກ­ຊາຫຼາຍ­ລົ້ນ
ຮູ້­ຈັກ­ມີ­ຮູ້­ຈັກ­ໃຊ້ ຮູ້­ຈັກ­ໃຈ­ຮູ້­ຈັກເຫດ
ຮູ້ຈັກ­ຈົນ­ແຈບ­ແຈ້ງ ສຸກ­ລົ້ນ­ແລະ­ຮັ່ງ­ມີ ທ່ານເອີຍ

ຫົວໃຈສາສນາ

ສັພພປາ­ປັສສະ­ ອະ­ກະ­ຣະ­ນັງ
ກຸສະ­ຣັສ­ສຸສັມ­ປະ­ທາ
ສະ­ຈິ­ຕຕະ­ປະ­ຣິ­ໂຍ­ທະ­ປາ­ນັງ
ເອ­ຕັງ ພຸທທະ­ສາສະ­ນັງ
-----------------------
ພຸດ­ທະ­ອົງ­ຕັດ­ສັ່ງ­ໄວ້ ຫົວ­ຂໍ້­ໃຫຍ່­ຄໍາສອນ
ວາງ­ຮາກ­ຖານ­ສາສະ­ໜາ ­ໃຫ້­ຢູ່ຍົງ­ຄົງ­ໄວ້
ເປັນ­ຫົວ­ໃຈ­ຄໍາສອນ­ຊີ້ ທັງ­ຫຼາຍ­ທີ່­ພຣະ­ອົງ­ກ່າວ
ສະ­ຫຼຸບ­ລົງ­ວາດ­ໄວ້ ສາມ­ຂໍ້­ທ່ຽງ­ຈິງ

ສັບ­ພະ­ປັສສະ­ອະ­ກະ­ຣະ­ນັງ­ນັ້ນ ຢ່າ­ທໍາ­ຊົ່ວ­ທັງ­ໝົດ
ຊົ່ວ­ທັງກາຍ­ວາຈາ­ໃຈ ຄົບ­ສາມ­ສະ­ເໝີດ້າມ
ອັນ­ວ່າການກະ­ທໍາ­ພ້ອມ ສະ­ເໝີ­ໃຈ­ແຈ້ງເຈດ
ວາຈາ­ຈົງການເວົ້າ ໜີ­ລີ້ບາບ­ໜາ

ກຸສສະ­ຣັສ­ສຸສັມ­ປະ­ມາ­ນັ້ນ ­ໃຫ້­ໝັ່ນ­ສ້າງ­ກຸສົນ
ບໍາເພັງ­ພຽນ­ພາວະ­ນາເຮັດ ຄົບ­ສາມ­ໃຫ້­ຈະ­­ແຈ້ງ
ທັງກາຍ­ໃຈວາຈາ­ພ້ອມ ປະ­ກອບ­ກັມ­ອັນ­ຊອບ
ປະ­ຕິບັດ­ໃຫ້­ພ້ອມ ­ໃຫ້­ໃສ່ເຫຼື້ອມ­ບຸນ­ກຸສົນ

ລະ­ບາບ­ລົງ­ໃຫ້­ພ້ອມ ປະ­ຕິບັດ­ພາກ­ສ່ວນການ­ກຸສົນ
ຍັງ­ຕ້ອງ­ຊໍາຮະ­ຈິດ­ໃຈ ­ໃຫ້­ຮຸ່ງເຮືອງ­ໃສເຫຼືອມ
ສະ­ຈິດ­ຕະ­ປະ­ຣິ­ໂຍ­ທະ­ປາ­ນັງ­ນ້ອມ ກຸສົນ­ທັມ­ລ້າງ­ຊ່ວຍ
ສະ­ມັດ­ຖະ­ວິ­ປັດ­ສະ­ນາຊະ­ລ້າງ ­ໃຫ້­ໃສ່ເຫຼື້ອ­ຢ່າເສື່ອມ­ຄາຍ

ທັງ­ສາມກະ­ການ­ທີ່ວາດ­ໄວ້ ພຣະ­ອົງເທດ­ຊົງ­ສອນ
ເປັນ­ຫົວ­ໃຈສາສນາ ຖືກ­ຄອງ­ພຣະ­ທັມ­ແທ້
ຂໍ­ແກ່­ຊົນ­ທັງ­ຄ້າຍ ຂະ­ຫຍາຍ­ຄວາມ­ໃຫ້­ສອດ­ຄ່ອງ
ສາສນາສອດ­ສ່ອງ­ສ້າງ ­ໃຫ້­ຄົນເລີດກ­ວ່າ­ຄົນ ທ່ານເອີຍ.

ຄາຖາ ໖ ຮັກ

ຄາຖາ­ດີ­ຊໍ່ນີ້ ປະ­ເສີດ­ຍິ່ງ­ໜັກ­ໜາ
ເປັນ­ຄາຖາ­ສັກ­ສິດ ປະ­ເສີດ­ຫຼາຍ­ຄວນ­ມີ­ໄວ້
ທ່ອງ­ຂຶ້ນ­ໃຈ­ໃຫ້­ຈໍາ­ແຈ້ງ ສາທະ­ຍາຍ­ທ່ອງ­ຈົ່ມ
ທຸກ­ຄໍ່າ­ຄືນ­ທ່ຽງເຊົ້າ ຈິດ­ໃຈ­ໝັ້ນ­ໝັ່ນ­ບໍາເພັງ

ຄາຖາ­ດີດວງ­ນີ້ ມີ­ຫົກ­ຊໍ່­ຄວນ­ຈົດ­ຈໍາ
ຂຶ້ນ­ໃຈ­ຢ່າ­ລືມ­ຫຼົງ ທຸກ­ຄໍາ­ຢ່າ­ຜິດ­ຜ້ຽນ
ທູບ­ທຽນ­ບຸບ­ຜັງ­ພ້ອມ ບໍ່ມີກໍຕາມ­ຊ່າງ
ພຽງ­ແຕ່­ທ່ອງ­ທຸກ­ມື້ ສັກ­ສິດ­ແທ້ບໍ່­ຕ້ອງ­ລອງ

ຊໍ່­ທີ່­ໜຶ່ງ­ວ່າ­ໄວ້ "­ໃຫ້­ຮັກ­ວັດເໝືອນເຮືອນ­ແລະ­ບ້ານ" ຕົນ
ປະ­ຊາ­ຊົນ­ຊາວ­ພຸດ ພ້ອມ­ພຣະ­ສົງ­ສາມະ­ເນນ­ພ້ອມ
ສາມະ­ຄີກັນ­ສ້າງ ຮັກ­ສາເສີມ­ພ້ອມ­ພໍ່າ
ທຸກ­ວັນ­ຄືນ­ໃຫ້ເນັ່ງ­ນ້ອມ ວັນ­ສິນເຂົ້າ­ຮ່ວມ­ບຸນ

ຊໍ່­ທີ­ສອງ­ຈົ່ງ­ຈໍາ­ໝັ້ນ "ຮັກ­ວຽກງານເໝືອນ­ຊິວິດ"
ທໍາ­ໜ້າ­ທີ່ການ­ຫຍັງ ຈົ່ງ­ໃສ່­ໃຈ­ຢ່າວາງເວັ້ນ
ທັງກາງເວັນ­ແລງ­ຄືນ­ຄ້ອຍ ໜາວ­ໜັກ­ຫຼື­ຮ້ອນເຮັ່ງ
ທໍາວຽກງານ­ຢ່າ­ໃຫ້­ຄ້າງ ວາງ­ຖິ້ມ­ໃຫ້ເສື່ອມເສັຍ

ຊໍ່­ທີ່­ສາມ­ທ່ອງ­ໃຫ້­ໝັ້ນ "ຮັກ­ລູກ­ສິດເໝືອນ­ກັບ­ຕົນ"
ຮັກ­ຕົນ­ພໍພຽງ­ໃດ ກໍ­ໃຫ້ເປັນ­ໄປສະ­ເໝີດ້າມ
ຕິດ­ຕາມ­ທັງ­ປົກ­ປ້ອງ ສິດ­ສອນ­ຄວາມ­ສະ­ຫຼາດ
ທັງ­ປະ­ກາດ­ຍົກ­ຍ້ອງ ຕັກເຕືອນ­ປ້ອງ­ແນະ­ນໍາ

ຊໍ່­ທີ່­ສີ່ດີເລີດ­ລົ້ນ ປະ­ເສີດ­ຍິ່ງເຫຼືອ­ທີ່­ສຸດ
ຍົກ­ສູງ­ຄວາມເປັນມະ­ນຸດ ­ໃຫ້­ທົ່ວເຖິງ­ພ້ອມ­ພ້ອມ
ຄື "ຮັກ­ປະ­ຊາ­ຊົນເໝືອນຍາດ" ພີ່ນ້ອງ­ຮ່ວມ­ອຸທອນດຽວ
ສິດ­ປະ­ຊາ­ທິ­ປະ­­ໄຕ ທຸກໆ­ຄົນ­ຈົ່ງ­ຊູ­ໄວ້

ຊໍ່­ທີ່­ຫ້າ­ສໍາ­ຄັນ­ແທ້ ປະ­ເສີດ­ຍິ່ງເໜືອ­ຊິວິດ
ຍິ່ງກ­ວ່າ­ນິນ­ນໍງາ ເພັດເງິນ­ຄໍາ­ແກ້ວ
ລາຄາຫຼາຍເຫຼືອ­ລໍ້າ ຢ່າວາງ­ໃຈ­ແລະ­ປະ­ໝາດ
"ຮັກ­ປະ­ເທດ­ຊາດ­ໃຫ້ຍິ່ງ­ລົ້ນ ເໝືອນ­ແກ້ວດວງ­ຕາ"

ຊໍ່­ທີ່­ຫົກ­ນັ້ນ­ແກ່ນ­ກ້າ ເປັນຍອດ­ຍິ່ງ­ຈອມ­ມຸກ
ສຸກ­ຈະ­ຍືນ­ຍົງ­ຍັງ ­ແກ່­ຄົນ­ທັງ­ຄ້າຍ
ຊົນ­ທັງ­ຫຼາຍ­ຄວາມ­ນ້ອມ ຢ່າ­ລືມ­ໄລ­ໃຫ້­ຫຼອຍ­ລ່າ
"ຮັກ­ສາດ­ສະ­ໜາ­ໃຫ້ເກິ່ງ­ພ້ຽງ ພຽງ­ກໍ່າ­ແກ່ນດວງ­ໃຈ"

ຄາຖາ­ນີ້­ຫາກເຮັດ­ໄດ້ ບໍາເພັງ­ຜ່ອງ­ໃຫ້ເປັນ­ກິດ
ປະ­ຊາລາວ­ທັງ­ຜອງ ຊິ­ໝັ້ນ­ຄົງ­ສະ­ຖຽນ­ໝັ້ນ
ຂໍ­ແກ່­ລາວ­ທັງ­ຄ້າຍ ຈົ່ງ­ຮຽນເອົາ­ໃຫ້­ຖ້ວນ­ທົ່ວ
ຊາດ­ຈະ­ເລີນ­ກ້າວ­ໜ້າ ປະ­ຊາເຊື້ອ­ຢູ່ກະ­ເສີມ ­ແທ້­ແລ

ກອນຮັກ(ເອົາໃຈໄວຮັກ)

ຈົ່ງ­ຮູ້ວ່າ ເຮົາ­ທໍາ­ດີ ສະ­ເພາະ­ເຈົ້າ
ຈັ່ງ​­ແມ່ນເຫງົາ ສຸດ­ຫ່ວງ­ໃຍ ສຸດ­ຫ່ວງ­ຫາ
ຢາກບອກ­ວ່າ ຮັກ­ແຕ່ເຈົ້າ ທຸກເວ­ລາ
ຖ້າຫາກ­ວ່າ ເຈົ້າ­ໂທມາ ສຸດ­ດີ­ໃຈ

ຫາກເຈົ້າ­ຮູ້ ວ່າ­ຂ້ອຍ­ຮັກ ຈົ່ງ­ໂທມາ
ຂ້ອຍ­ຄອຍ­ຖ້າ ເຈົ້າ­ໂທມາ ອົດ­ບໍ່­ໄຫວ
­ໂທຫາເຈົ້າ ຫຼາຍ­ຄັ້ງ­ແລ້ວ ຖືກເບີ­ໃຜ
ສຽງ­ກ້ອງ­ໃຫຍ່ ເໝືອນ­ພໍ່ເຈົ້າ ເວົ້າ­ແບບກວນ

ເຈົ້າເອົາເບີ ­ໃຜ­ໃຫ້­ຂ້ອຍ ຂ້ອຍເກັບ­ໄວ້
ເຊັບ­ໃນ­ໃຈ ຄົບ­ແປດ­ຫຼັກ ສຸດ­ສະ­ຫງວນ
ເສັຍ­ແຕ່ວ່າ ຄົນ­ທີ່­ຮັບ ເວົ້າຈາກວນ
ຂໍເຊີນ­ຊວນ ­ໂຜດເຫັນ­ໃຈ ຄົນ­ຄອງ­ຄອຍ

(ຢ່າ­ຕິ ຢ່າ­ຮິ ເດີ ຂຽນ­ແບບ­ນີ້ກະ­ເປັນ­ຄືກັນ ­ແຕ່ບໍ່­ແມ່ນ­ຂຽນເພື່ອ­ຜູ້­ຂຽນເອງ ຂຽນ­ໄວ້­ໃຫ້­ຄົນ­ໃດ­ກໍ­ໄດ້ ທີ່­ຫຼົງ­ຮັກ­ໃຜ ­ແຕ່­ທາງ­ທີ່ດີ­ຄວນ­ໂທຫາກ­ແມ່ ພໍ່­ແນ່ ຜູ້­ທີ່­ຮັກເຮົາ­ທີ່­ສຸດ)

7/5/55

ຍິ້ມນິຣັນດອນ


6/5/55

ນານາ­ທິ­ຕ­ຖີເກ ນານະ­ຍິ­ສສະ­ສິ ເຕ

"ນານາ­ທິ­ຕ­ຖີເກ ນານະ­­ຍິ­ສສະ­­ສິ ເຕ"(­ແປ) ມະ­ນຸດ­ທັງ­ຫຼາຍ ຕ່າງ­ຄວາມ­ຄິດ­ຕ່າງ­ຄວາມເຫັນ­ກັນ, ເຮົາຈະ­ກໍາ­ນົດ­ໃຫ້­ຄົນ­ຄິດເໝືອນ­ກັນ­ໝົດ ບໍ່­ໄດ້. (ພຸດ­ທະ­ພົດ)

ມະ­ນຸດ­ທັງ­ຫຼາຍ­ໃນ­ໂລກ­ລ້ວນ ຕ່າງ­ຄວາມ­ຄິດ­ຄວາມເຫັນ­ກັນ­ແລ້ວ
ເປັນນານາ­ຈິດ­ຕັງ ຕ່າງ­ກັນ­ຈິງ­ແທ້
ທິດ­ຖີນັ້ນ ຄື­ຄວາມເຫັນ­ແຕກ­ຕ່າງ
ຕ່າງ­ຖະ­ນະ­ຕ່າງ­ສະ­ຖານ­ທີ່ ຕ່າງເຜົ່າ­ພ້ຽງ ຄວາມເຫັນ­ນັ້ນ­ຍ່ອມ­ຕ່າງ­ກັນ

ສະ­ນັ້ນ ຄົນ­ທັງ­ຫຼາຍ­ຫຼາກ­ລ້ວນ ຈະ­­ໃຫ້­ຄິດເໝືອນເຮົາ ຍາກ­ແລ
ມີ­ແຕ່­ໂຮມ­ຄວາມ­ຄິດ ­ໃຫ້­ຄ່ອງ­ກັນ­ພໍ­ໃຊ້
­ແລ້ວ­ຈຶ່ງ­ລົງມະ­ຕິ­ພ້ອມ ພຽງ­ໃຈ­ກັນ­ປະ­ກອບ
ຕາມ­ລະ­ບອບ­ແບບເບື້ອງ ປະ­ຕິບັດ­ດ້ວຍ­ຊ່ວຍ­ກັນ­ທໍາ ­ໄດ້­ແລ

ຫຼາຍ­ຄົນ­ຫຼາຍ­ຄວາມ­ຄິດ­ແທ້ ເປັນ­ປະ­­ໂຫຍດມະ­ຫາສານ
ຫຼາຍ­ແນວ­ທາງ­ຫຼາຍ­ຄະ­ຕິ ຍ່ອມ­ດີ­ຫຼາຍ­ລົ້ນ
ຄົນ­ຫຼາຍ­ຄົນ­ລວມ­ກັນເຂົ້າ ມີ­ພະ­ລັງ­ທີ່ອົງ­ອາດ
ຄວາມ­ຄິດເຫັນ­ທີ່­ຖືກ­ຕ້ອງ ເປັນ­ທາງ­ກ້າວ­ພັດ­ທະ­ນາ ­ແທ້ເນີ

3/5/55

ເຈັ້ຍ


2/5/55

ປອງດອງ

ປ-ປົບ­ໜີ­ໄກ­ຈາກ­ບ້ານ ພັດ­ຖິ່ນ­ໄປ­ແດນ­ໄກ
ອ-ອອກ­ຈາກ­ດິນ­ແດນ­ລາວ ດ້ວຍການ­ຫຍັງ­ແທ້
ງ-ເງື່ອນ­ໄຂ­ຄົງ­ຈະ­­ແຈ້ງ ບັນ­ຫາການ­ຊີວິດ­ທ່ານ
ເຖິງເວ­ລາ­ທີ່­ຮັບ­ຮູ້ ສະ­ໜານເຂົ້າ­ຮ່ວມ­ມື

ດ-ດ້ວຍເຫດການ­ຈິງ­ແຈ້ງ ຕາມ­ທີ່­ທ່ານ­ໄດ້­ປະ­ສົບ
ອ-ອັນ­ທີ່­ຄວນ­ຄໍາ­ນຶ່ງເຖິງ ຊາດ­ລາວ­ໃຫ້­ຈະ­­ແຈ້ງ
ງ-­ໂງ່ກັບ­ຄືນມາ­ສ້າງ ເມືອງ­ລາວ­ໃຫ້ເຮືອງ­ຮຸ່ງ
ສະ­ໝານ­ໃຈກອດ­ກ້ຽວ ­ໂຮມ­ກັນ­ກ້າວ "ປອງດອງ"

ປອງ-ຄືວ່າ­ປົກ­ປ້ອງ­ໄວ້ ທັງ­ຊາດ­ແລະ­ປະ­ຊາ
ຄວາມ­ສາ­ມັກ­ຄື­ຈຸດ­ໝາຍ ທີ່ວາດ­ວາງ­ລົງ­ໄວ້
ດອງ-ເອົາຄວາມ­ຫວານ­ພ້ອມ ຄວາມ­ຂົມ­ໃຈ­ທີ່ມີ­ຢູ່
­ໃຫ້ເກີດ­ລົດ­ຊາດ­ສ້ຽງ ທຸກ­ຝ່າຍ­ພ້ອມ­ຮ່ວມ­ມື

ປອງດອງເໝືອນເອົາເກືອ­ໃສ່ນໍ້າ ຕົ້ມ­ລະ­ອຽດ­ໃຫ້ມັນ­ສຸກ
ຜະ­ສົມ­ກັນ­ໝາກ­ຍົມ­ຂຽວ ລົດ­ດີ­ທັງ­ສົ້ມ
ເມື່ອມາ­ສົມ­ກັນ­ແລ້ວ ຫຼາຍ­ວັນ­ມີ­ລົດ­ແຊບ
ເຄັມ­ຂົມ­ທັງ­ຜ່ອງ­ສົ້ມ ຍັງ­ນົວ­ລິ້ນ­ຖືກ­ໃຈ

ເຊີນເດີ­ພວກ­ທ່ານ­ໄທ້ ­ໄທຊາດ­ປະ­ຊາລາວ
ຢູ່­ທົ່ວ­ໃນ­ແດນ­ໃດ ຈົ່ງ­ຮ່ວມ­ໃຈ­ກັນ­ໄວ້
ສ້າງ­ຊາດ­ລາວ­ໃຫ້ເຮືອງ­ກ້າວ ເໝືອນເດືອນເພັງ­ໄຮ້ເມກ­ໝອກ
ຫາກ­ຄົນ­ລາວ­ທຸກ­ທ່ານ­ຜູ້ ເຫັນ­ພ້ອມ­ຈົ່ງ­ຊ່ວຍ­ກັນ ­ແນ່­ທ້ອນ.

(ຄິດ­ໄດ້ກໍ­ແຕ່ງ­ໄປ-ຕາມ­ອາ­ຣົມ­ສິນ ຊື່ໆ­ເດີ)

ມາລາມາ­ໄລ

ບຸບ­ຜາ­ພັນດອກ­ໄມ້ ປະ­ດັບ­ກິ່ງ­ງ່າສາຂາ ມັນ­ນັ້ນ
ເດັດມາວາງ­ໃນ­ພາພານ ຮຽກ­ວ່າດວງມາລາ­ແຍ້ມ
­ແມ້ງເມື່ອ­ລວມ­ກັນ­ຮ້ອຍ ຫຼາຍ­ສີ­ແຕກ­ຕ່າງ
ເປັນ­ພວງ­ພັນມອບ­ໃຫ້ ເປັນ­ພວງມາ­ໄລ­ໄຫວ້­ໜໍ່­ພຸດ­ໂທ

­ແມ້ງເມື່ອເອົາດອກ­ໄມ້ ບຸບ­ຜາຊາດ­ພັນ­ປະ­ດັບ
ດ້ວຍ­ຮູບ­ຊົງ­ສວຍງາມ ­ໃສ່­ແຢ່ງ­ຂາສາມ­ຕັ້ງ
ຂຽນ­ອາ­ໄລ­ນໍາ­ດ້ວຍ ພື້ນ­ສີດໍາບອກເຈດ
ພວງມາລາ­ທີ່­ຮຽກເອີ້ນ ອາ­ໄລ­ໄຫວ້­ຜູ້­ຕາຍ

ພວງດອກ­ໄມ້ ທີ່­ຮຽກ­ວ່າພວງມາ­ໄລ
ບຸບ­ຜາ­ພັນ­ແນວ­ໃດ ຫາກ­ຍົກ­ຍໍເວນ­ໃຫ້
­ໃຜ­ໄດ້­ໄປ­ໃຈສະ­ອື້ນ ຍິນ­ດີດອມ­ຊົມ­ຊອບ
ນໍ້າຕາ­ລົ້ນ­ອາບ­ແກ້ມ ຊື່ນ­ຊົມ­ຊອບ­ຮັກ­ກັນ­ຈິງ

­ແມ່ນ­ບໍ່­ຫຼາຍມາກ­ລົ້ນ ພຽງດອກດວງດຽວ
ກຸຫຼາບ­ສີ­ແດງ­ສົດ ຊໍ່ນິຍົມ­ຍໍຍ້ອງ
ຫາກ­ວ່າ­ວັນ­ທີ່­ຄວນ­ໃຫ້ ວາເລນ­ທາຍນ໌ຍົກ­ຍື່ນ
ສາວ­ໃດ­ໄດ້­ຮັບ­ໃຈສະ­ອື້ນ ຢືນ­ບໍ່­ໝັ້ນ­ລ່ອຍ­ຂາ ພຸ້ນ­ລະ­­ແມ໊ະ­

ຫຼາຍດອກ­ໂຮມ­ກັນເຂົ້າ ລຽນ­ແນບເປັນ­ພວງ
ປະ­ດັບ­ໂບ­ດີງາມ ຍື່ນ­ຍໍເວນ­ໃຫ້
ຍາມ­ສໍາ­ຄັນເໝາະ­ເລື່ອງ ວັນ­ສໍາ­ຄັນ­ຕ່າງໆ­
ຄົນ­ຮັບ­ຊົມ­ຊື່ນ­ຍ້ອງ ຊໍ່ມາລາ­ນັ້ນ­ແນບ­ໃຈ

ອັນ­ວ່າດວງດອກ­ໄມ້ ບຸບ­ຜາຊາດນານາ­ພັນ
ເອົາມາ­ໂຮມ­ລຽນ­ກັນ ­ໃສ່­ຂັນ­ຍໍຕັ້ງ
ທູບ­ທຽນ­ລຽນ­ລາຍ­ລ້ອມ ເປັນ­ໝາກເບັງ­ຕົ້ນ­ນ້ອຍ­ໃຫຍ່
ຖວາຍ­ບູຊາ­ພຸດ­ທະ­ຮູບເຈົ້າ ­ໄດ້ບຸນມາກ­ຊໍ່າກອງ­ບຸນ

ດອກ­ໄມ້ດຽວ­ກັນ­ນັ້ນ ປະ­ດັບ­ວາດ­ແວວ­ສິນ​
ຍົກ­ຍື່ນ­ຍໍເວນ­ຖວາຍ ຕາມເຫດການ­ຈະ­­ແຈ້ງ
­ໄດ້ບຸນ-ຄຸນ­ປະ­ສົງ­ແມ້ງ ຕາມ­ຈິງ­ໃຈເຈດ
ມອບ­ໃຫ້­ຄົນເຄົາ­ຣົບ­ແທ້ ຮັກ­ກັນ­ໝັ້ນ­ຊົ່ວ­ຊີບ­ວາຍ

ເມື່ອເອົາດວງດອກ­ໄມ້ ປະ­ດັບ­ວາດ­ແວວ­ສິນເຊັ່ນ­ກັນ
ເຮັດເປັນ­ພວງມາລາ ຍົກ­ຍໍເວນ­ນ້ອມ
ບໍ່ມີ­ໃຜປະ­ສົງ­ແມ້ງ ມາລາ­ຊໍ່­ໃຫຍ່
­ໃຜ­ໄດ້­ຮັບ­ພວງດອກ­ໄມ້ເຊັ່ນ­ນີ້ ເໝືອນ­ກັບ­ແກ້ງ­ແຊ່ງ­ໃຫ້­ຕາຍ ວ່າ­ຈັ່ງ­ຊັ້ນ

ນີ້­ແລ້ວ ທຸກ­ສິ່ງ­ໃນ­ໂລກ­ລ້ວນ ເກີດ­ຈາກການ­ສົມ­ມຸດ
ມະ­ນຸດເຮົາເປັນ­ຄົນ­ທໍາ ­ໃຫ້ເປັນ­ໄປຕາມ­ນັ້ນ
ຄວາມ­ສໍາ­ຄັນ­ຫຼາຍ­ນ້ອຍ ສັງ­ຄົມ­ຄົນເປັນ­ຜູ້­ຊອບ
ຄວນ­ສຶກ­ສາ­ຢັ່ງ­ຮູ້ ຈຶ່ງເຫັນ­ແຈ້ງ­ອັນ­ຄວນ ທ່ານເອີຍ

28/4/55

ແສງ­ທຽນ­ແສງ­ທັມ

26/4/55

ສາວໄຮໂຊ


ອານິສົງຂອງການຟັງທັມ 5 ປະການ


23/4/55

ວອນຟ້າຊ່ວຍ


ໃຜຖືທ້າຍ ?


13/3/55

ໃຍແມງມຸມ

ໂອແມງມູມ ມັນຂະຫຍັນ ດີຂະໜາດ
ທໍາມະຊາດ ສ້າງໃຫ້ມັນ ເປັນແບບນັ້ນ
ມັນສານດາງ ດ້ວຍຍວງໃຍ ດັກກັນກັ້ນ
ມົດແມງຝັ້ນ ຫຼົງເຂົ້າໄປ ຕາຍທັງເປັນ

ແມງມູງເກ່ງ ສ້າງຍວງໃຍ ໃຫ້ໝັ້ນໜຽວ
ສັດຖືກກ້ຽວ ກອດກຸມຮັດ ເປັນຊາກເດນ
ມົດແມງນ້ອຍ ຖືກຮໍ່ຮັດ ໝົດກັມເວນ
ເປັນຊາກເດນ ຕາຍສ້ຽງ ກ້ຽງທຸກໂຕ

ໃຍແມງມູມ ຍັງຝ່າຍແພ້ ໃຫ້ສັດໃຫຍ່
ຫຼືແມງໄມ້ ຕົວແຂ້ມແຂງ ແຮງອັກໂຂ
ເຊັ່ນແມງພູ່ ນົກຕົວໜ້ອຍ ພວກຂີໂກ້
ຫາກເອົາໂຕ ພານໃຍ ຂາດຢ່າງງາມ

ເສກເຊັ່ນດັ່ງ ມະນຸດຄົນ ທີ່ອ່ອນນ້ອຍ
ປັນຍາດ້ອຍ ຄຸນຄ່າ ວິຊາຊາມ
ເຖິງຄາວຊວຍ ພິບັດໄພ ເຂົ້າຄຸກຄາມ
ບໍ່ຕ້ອງຖາມ ຊິວິດຈະ ເປັນເຊັ່ນໃດ

ຫາກຄົນຮູ້ ສະຫຼາດຫຼັກ ປັນຍາແຫຼມ
ຄວາມຈົນແຕ້ມ ພ່າຍແພ້ ຕ້ອງຝ່ານໄດ້
ເມື່ອຄາວຍາກ ພົບພານໄພ ຍ່ອມມີໄຊ
ຊີວິດໃສ ຢູ່ກະເສີມ ເພີ່ມພະລັງ

ມູມມືດ

ມູມມືດບໍ່ອາດແຈ້ງ ແສງສະຫວ່າງມັນອັບ
ຄວາມມືດມາຖົມທັບ ມືດເລີຍບໍ່ເຄີຍແຈ້ງ
ຫາກວ່າມີແສງເຂົ້າ ພໍພຽງຈັກໜ່ອຍ
ມູມມືດອາດສະຫວ່າງແຈ້ງ ພໍໃຫ້ຮຸ່ງເຫັນ

ແສງຈັນໃສເຈີດຈ້າ ສ່ອງບໍ່ຜ່ານມູມອັບ
ຝາບັງມູມໝົດ ບໍ່ມີແສງເຂົ້າ
ອາທິໃສຢູ່ເທີງຟ້າ ແສງບໍ່ມາເພັ່ນຜ່ານ
ອາດທິດແສງເຈີດຈ້າ ຍັງບໍ່ກ້າຜ່ານມູມ

ເໝືອນກັບຄົນລ່ອຍລ້າ ມັນຍາມືດບັງບົດ
ບໍ່ເປີດຮັບຄະຕິພົດ ຊອກສະແຫວງຄວາມຮູ້
ແມ່ນວ່າມີຄູກ້າ ອາຈານຜູ້ສະຫຼາດ
ນັກປາດເກ່ງເລີດລົ້ນ ຍັງບໍ່ພົ້ນມືດປັນຍາ ທ່ານເອີຍ

ຄວາມລັບເປັນເຊັ່ນໃດ ?


ທຸງ, ຕຸງ, ທົງ


7/3/55

ວັນທີ 8 ມິນາ ວັນແມ່ຍິງ


17/2/55

ດວງ

ເດັກ-ຫາກເປັນທາງທັມ ຄື ທຳຕົນເຊື່ອຟັງຜູ້ໃຫຍ່ ຖືເໝືອນເດັກຕ້ອງຟັງຄຳຜູ້ໃຫຍ່

16/2/55

ວິມານເມກ


ສາຍນຳ້ຂອງ


ນຳ້ຂອງບ້ານຂ້ອຍ


ແສງສະຫວ່າງທັງ


ປ.ປາ


11/2/55

ດອກຊາຍເຫີນ


ຫຼັບນ້ອຍນີ້ການຫາຍ ຫຼັບຫຼາຍນີ້ການມາກ


ດອກຊາຍຫອມ


7/2/55

ຄວາມດີບໍ່ມີຂາຍ


3/2/55

ຝົນຕົກລິນເດືອນສາມອອກໃໝ່

ວັນນີ້ ຕື່ນແຕ່ເຊົ້າ ມື້ໃໝ່ວັນສຸກ
ອອກໃໝ່ສິບເອັດຄ່ໍາເດືອນສາມ ຣືກເດືອນດາວຕັ້ງ
ກົງກັບວັນທີສາມເຂົ້າ ກຸມພາຟ້າໃໝ່
ສອງພັນສິບສອງທ່ຽງແທ້ ວັນມື້ປ່ຽນໄປ

ບໍ່ຄິດວ່າຊິເປັນໄປໄດ້ ຝົນທັ່ງເທລົງ
ບໍ່ເປັນໄປຕາມທີ່ເຄີຍເປັນ ດັ່ງຫຼັງຄາວກີ້
ອັນນີ້ຝົນລິນຍ້ອຍ ທັງວັນບໍ່ເວັ້ນຫວ່າງ
ທົ່ງນານໍ້າລັ່ງລົ້ນ ນອງຖ້ວມອັງຖະໜົນ

ແຕ່ກ່ອນຄາວເກົ່າກີ້ ບູຮານກ່າວຂານໄຂ
ເປັນສໍານວນຄໍາສອນ ບອກມາໃຫ້ເຫັນຮູ້
ຝົນບໍ່ຂາດເດືອນສາມແທ້ ຝົນບໍ່ຮາມເດືອນສີ່
ຄັນວ່າເວັ້ນແທ້ໆ ເດືອນຈຽງຍີ່ນັ້ນບໍ່ມີ

ປີນີແປກຕ່າງແທ້ ເດືອນຈຽງຍີ່ຝົນຕົກ
ເຖິງວ່າຮໍາພຽງເປັນຝອຍ ກໍຕ່າງຫຼັງພໍແຮງແລ້ວ
ວັນນີ້ເດືອນສາມຂຶ້ນ ພໍພຽງສິບເອັດຄໍ່າ
ຝົນຕົກລິນລັ່ງລົ້ນ ປານກັບຟ້າລະດູຝົນ

ເຂົາວ່າເດືອນສາມຄ້ອຍ ຝົນຝອຍຮໍາຟັດມ່ວງ
ມັນບໍ່ຜິດຮີດເຄົ້າ ຄັນຕົກໜ້ອຍດັ່ງເພີ່ນທວາຍ
ອັນນີ້ຝົນຕົກລົງບໍ່ເອື້ອນຮ້ວຍ ຮວຍຮໍ່າລິນຕົກ
ມັນຫາກຜິດຄອງເດີມ ຮີດຄອງທີ່ມີໄວ້

ສົງໃສ ບ້ານເມືອງສ້ວຍ ດັ່ງຄໍາທວາຍຂອງຄົນເກົ່າ
ຄົນບໍ່ຖືຮີດເຄົ້າ ບູຮານຕັ້ງແຕ່ງມາ
ພໍສໍສອງພັນຫ້າ ໂລກາໄຫວ້ຫວັນ
ລາວທັງເໜືອແລະໃຕ້ ຊິໃຫຼເຂົ້າສູ່ວຽງ

ບັດນີ້ ຊິໄດ້ທວາຍບອກໄວ້ ໃຫ້ຄ່ອຍຟັງເອົາ
ປີກາຍຝົນຕົກຫຼາຍ ນໍ້າຖ້ວມຫຼວງຫຼາຍໝ້ອງ
ປີນີຝົນຊິແລ້ງ ບໍ່ຮໍາຮວຍໃຫ້ຄອງເບິ່ງ
ຍາມແລ້ງຝົນກັບລິນ ຍາມຝົນນໍ້າຊິແຫ້ງ ນາເຂົ້າຊິເລົ່າຕາຍ

ບໍ່ແມ່ນເວົ້າໃຫ້ຮ້າຍ ໃຫ້ຊອມເບິ່ງນໍາກັນ
ເດືອນຫົກຝົນຕົກລິນ ເດືອນແປດມາຝົນຊິແລ້ງ
ເດືອນເກົ້າສິບລໍາຄອງແຫ້ງ ນາສວນຊິນໍ້າເຂຣນຂາດ
ໂລກລະບາດຊິເກີດຂຶ້ນ ຄວາມອືດຢາກຊິເກີດມີ ແທ້ແລ

30/1/55

ເວົ້າ