- ຄ່າຂອງຄົນປະເສີດໄດ້ ໃນເມື່ອມອງຜົນງານ
ການກະທໍາສະເໜີຜົນ ອອກມາປາຈັກແຈ້ງ
ຜົນງານດີເຫັນຮູ້ ເປັນຄ່າຄຸນຄອງປະເສີດ
ຜົນງານຊົ່ວປະກາດໃຫ້ ເປັນຄົນໄຮ້ຄ່າບໍ່ສູງ
- ຜົນງານການປະກາດຊີ້ ທະວີວາດສັກດາຄົນ
ຜູ້ທີ່ມີຍົກສັກ ກຽດກືກອງລົ້ນ
ກໍເພາະຜົນງານຊີ້ ໃຫ້ເປັນດີເລີດເດັ່ນ
ຄົນເຂົາເຫັນຮັບຮູ້ ຜົນງານແລ້ວຍົກຍໍ
- ຜົນງານຍົກຄ່າໃຫ້ ຄົນມີຍົດປາກົດສັກ
ວຽກງານດີຍ່ອມດີຄັກ ສາທຸຊົນສາກົນຍ້ອງ
ບໍ່ມີໝອງສູນເສົ້າ ຄຸນຄວາມດີທີ່ໂລກກ່າວ
ເປັນແວ່ນແຍງວາດໄວ້ ໃຫ້ຄົນໄດ້ເດີນຕາມ
- ຄຸນຄ່າຄົນປະເສີດລົ້ນ ຄົນມາຍມາກບູຊາດຄຸນ
ດີຊົ່ວເຫັນນໍາກັນ ແຍກການກະທໍາໄວ້
ໃຜຜູ້ຫວນເຫັນແລ້ວ ຄຸນຄວາມດີອັນຊອບ
ແມ່ນຊິມຸດມອດມ້ຽນ ຜົນງານລໍ້າບໍ່ເສື່ອມສູນ ທ່ານເອີຍ
ไม่มีความคิดเห็น:
แสดงความคิดเห็น