ຍູງທັງຮີ້ນ.................ປີງເຂັມຄ້າວໃຫຍ່
ໝັງຄວາຍຄົນ..........ໜູ່ສັດເສືອຮ້າຍ
ພາກັນແຫ້ນ............ເຈາະໝັງດູດເລຶອດ...ມ່ອມເອີຍ
ເພື່ອສືບເຊື້ອ............ເຂົາໃຫ້ຢູ່ຍືນ.
ສັງວ່າຄວາຍລົງໜົ້ນ.................ຕົມເໜັນວ່າຊົ່ວ
ຄວາຍຊາດມັນຫາກແບບນັ້ນ....ໝີເວັ້ນໜູ່ແມງ
ປີງທີ່ມາຈັບຕ້ອງ.............ດູດເລຶອດພຽງໃດ
ຄວາຍກໍຝັງໂຕຈົມ..........ແຊ່ໃນຕົມນັ້ນ
ເພາະວ່າເປັນນິສັຍດັ້ງ....ເດີມດາມາແຕ່ເຊັ່ນ
ສາວໃດລົງຫຼີ້ນນ້ຳ ..........ກະສ່ຽງແທ້ແຂ້ປີງ.
ຫາກປຽບຄົນໃສ່ສັດເຊື້ອ...ຕ້ອຍຕ່ຳເກິນດິນ
ຄົນຢູ່ກິນນຳດິນ....................ຂີ້ຕົມສໜົມຫັ້ນ
ຂຸດຂົນຂີ້...............................ງົວຄວາຍມາເປັນຝຸ່ນ
ປູກຜັກເຂົ້າແລະໜາກໄມ້..ໃຫ້ຍາເຈົ້າພ່າງກິນ.
ບໍ່ຖາມຫາຄ່າໜື້..................ດິນຕົມສໜົມມຶ່ນ
ທັງຂີ້ມ້ຽງ.............................ເໜັນຕື້ຕ່ອມດັງ
ຫາກວ່າສາວຫຼົງກົ້ວ...........ຕົມເໜັນແນວເໝົ່າ
ເພາະເຫດຜົນຢາກກົ້ວ......ເອົາຕົວໃຫ້ຕ່ຳຊາມ
ກໍເປັນຄຳປະນາມຖີ້ມ..........ຖົມທັບກະເໜາະສົມ..ບໍເດ
ຄວນຈະເພທາງຄິດ.............ຊ່ອຍຊູໃຫ້ນາງເວັ້ນ
ໝີໄພຮ້າຍ...........................ສັງຄົມຊາດຊົ່ວ
ກັບຫາຕົມກິ່ນກົ້ວ.................ຍາມດຳຈີ້ມເຂົ້າລົງ.
ໃຫ້ມັນສູງໃຫຍ່ຂື້ນ..............ເປັນໝໍ່ນາມດິນ
ທີ່ໃຫ້ຄວາມສົມດູນ..............ແກ່ພົງພັນເຊື້ອ
ອາສັຍພື້ນ.............................ດິນຕົມສະໝົມເໝົ່າ
ປູກເຂົ້າແກ້ວ........................ຖະຫວາຍໃຫ້ໃສ່ພາ..ແຫຼ້ວເອີຍ.
ไม่มีความคิดเห็น:
แสดงความคิดเห็น